سئویرسن منی؟
نه قدر؟؟!
ماماملا بابام گئتدیلر بازارا. من ده اکیلدیم
هه گئنه قارداشیم گیر وئرمیشدی. فیکر ائلیییرم شک ائلیییب
من الان تاکسیدایام
گئدیرم شریعتییه
اه بابام سؤزومه جاواب وئر دای!
نه قدر نه قدر سئویرسن؟!
نئینیرسن من نه اؤرتموشم؟
هه آغ شال، قارا مانتو
سن نه گئییبسن؟
ساده؟!!
یانی سن هئچ تیریپ وورموبسان؟!!
من پارچهای شالواری سئومیرم
گرک جین شالوار گییهسن
ایندی دئ دای نه قدر منی سئویرسن؟!
دئمیرسن؟ یانی منی سئومیرسن؟!
سن کی چت ده دئییردین منیم ائششهییمسن!
هله منیم ائششهییم اولورسان؟
ها ها ها…!
نیه ناراحات اولورسان آخی
یاخشی باغیشلا
آز قالیرام
بورداداکی دانیشماق اولمور
دئمهدین منی نه قدر سئویرسن ها؟
چارشابلی قادین قیزا چپ چپ باخارکن بالاجا قیزینین روسرینی دوزلدیب، اوتورتدو قیچلارینین اوستونده
تاکسی شوفئری تئز تئز چال باشینی بوللاییب، عجب زمانه اولوب دئییردی
قیزین آغ شالی آز قالیردی باشیندان دوشسون. اودکلن اییی تاکسی نی بوروموشدو.
قیز جئب تئلفونو قولاغیندا، قیرمیزی لاکلی اللرینی اوزادیب «بویورون آغا» دئدی.
سو شیریلتیسی
سو شیریلتیسی قولاغیما دوشوب، من هله ده سویون آلتیندا دیرناقلاریمی چئینهییرم. اوشاق اولاندا دیرناقلاریمین قیراغینداکی اتی چئینهییب، تامسیناردیم. ایندی ایسه 17 یاشیمدا بعضا یئنه اؤزومو ایتیرنده دیرناقلاریمین اتینی دیشیمه سالیرام. شامپو قابیلاریندا بیر شئی تاپماسامدا باشیمی سویون آلتیندان چکمیرم، اوزانیرام کاشی لرین اوستونده.
عومومی حامامدا اولسایدیم قدیم کی آروادلار کیمی نه قدر خال گؤره بیلردیم گؤرونمهین یئرلرده.
بلکه ایندی عومومی حاماملاردا دا سئوگی شعری یازیب، آلتیندا بیر یئکه اوخلو اورک چکیرلر.
سو آخیب، قیچلاریمین آراسیندان کئچرکن منی قیدیقلاییر. گؤزلریم قاماشیر. ساری سو قیچلاریمی قیزیشدیریر کاشینین اوستونده آخان سو ساچلاریما بهلشیب اونلاری ایسلادیر.
موللانین انکحتو وزووجتوسو قولاغیما دولور. اوتاقدا بوتون یاخین فامیل لریمیز اوتورموشدولار . من آغ ، گولدار چارشاب اؤرتوب، یاسیر-ین بؤیرونده اوتورموشدوم. یاسیر قارا کوت شالوار گئیمیشدی. ساچلارینی بیر طرفه آیریب، باشین یئره دیکمیشدی. هردن ده اللری ایله گؤزلویون دوزهلدیردی. من آنجاق بوتون او گونو او اوغلانین باخیشلارینا فیکیرلهشیردیم. او هر گون مدرسهنین قاباغیندا دوروب، اللرینی قویاردی جین شالوارینین جئبلرینه. سونرا منیم آرخامجا کوچه میزهدک گلردی. او بارماقلاریمدا کی اوزویو گورسهیدی نه ائدهجکدی؟!! یقین داها منیمله بیرلیکده یول گلمهیجکدی، بیر ده من اونو گؤرمهیهجکدیم. نه داریخمالی اولاجاقدی مدرسهدن چیخان واقت لار!!!
اَه بو لذت نییه بوقدر تئز بیتیر؟ !کاشیلرین اوستوندن قالخیرام. دوشون آلتینا گیریرم. ایستی سو بدنیمی یاندیریر. قیچلاریمین توکون ووراندان سونرا بئله حیس ائدیرم تویوغون قیچینی پؤشلهییبلر.
ـ رویااو گئجهسی او قدر خونریزی ائلهدی کی بیماریستانا آپاردیلار. ثورییانین سؤزلری یئنه یادیما دوشور
نه بیلمک بلکه ده پئریوداولموشموش رویا !
آخی ثورییا همشه سوزون اوسته بیر ایکی سین قویوب دییر.
اه! بو گئجه من پئریوداولمییام ؟!. نه مصییبت اولار.
آغری بدنیمی بوروییر . بیئلیمنن ، قارنیمین آغریسیندان قوجاقلاشماق اولار هئچ ؟!
گؤزلریمی آچیرام، حامامین قاپیسیندا کی آینایا گؤز دیکیرم.او آرواد هله ده منه گولومسه ییر
.گئجه نی صوبحده کی یوخومدان ال چکمه ین آرواد ایندی ده حامامین آیناسیندا منیم اوزومه بزک یاخیر
" آغلامایاسان ها! هئچ خوشوم گلمیر زیر زیر قیزلاردان . آخی دیین یوخدو اره گئدیبسیزدای ! آغلاماغیز نه دندیر ؟!
گئنه دئیرم ها! باخ آغلامییاسان !
یوخسا بزکلرینین هامیسی قاریشار"
. کاشیلرین اوستوندن سو ایلان کیمی اوزور. بوش شامپو قابیلار دوزولوب، ژیلئتلرین هامیسی وورولموش توکلره بلهشیب. اوزومده کی بر بزک ائله بیل منی بیر دلغکه بنزهدیب .حامامین دوواریندان یاپیشیب، کاشیلرین اوستونده اوزانیرام. شیرین سویو قیچلاریمین آراسینی گؤینهدیر . قیپ قیرمیزی سو حامامین ایچینده آخیر.
یاغیر هرگون
گوی ده کی اولدوزلار
لئچییمده کی آغاجلارا
تیکیلیر ائویمیزین بیناسی
آخیر مینجیق مینجیق
گؤزومون مینجیق لاری
باخچامیزدا کی دمیر گول
آچاندا
آسلیر ساچلاریندان
بیر قیزجیغاز
دام دام
دامیر دامارلاریم
دایانیر یوللارین پریشان آددیملاری
سئویرم
ان چوخ اؤزومو
کلمه لرله عادیله شیرم
گئج گلیرسن
قیدیغلانیرام رومانتیک گئجه لری
یورقاناباسیرام
اؤرتورم هر نه ییمی
بولوارلار ، خیاوانلار
قوخویور !
باتلیغانداقیرمیزی گونش
" دیمه اللرینی اوزاتما"
نه سن نه اؤزگه کیشی
یئنه آمازون قادینلارینی گیجه للنیرم
بوغور منی بو شهر
گوزلرین قونور
تورک قهوه سیدیر
بیر آزآجی
اؤنجه یاپیشیر
بیر گولوش
بیر فال
آچیقدیر آچیق
شهرین بوغازی
بوینوندان آلنینا قدر مؤهورله نیر
سنی دولانیرام
ایچمه دییم ایچگی لر
دوداقلاریندا مزه اولور
بیر سیغیناجاق
اؤلوم تک چیلپاق
گیزیلده ییر سنی
دؤشلریمین اوجوندان
گؤتورورلر
هر آخشام آنامین باکیره لیینی
اؤلوم تک سویوق
تورک قهوه سی
توستوله ییر سیگارئتین
شهرین آغزیندا
باس آنامین یاراسیندان
باس
گؤرورم لاپ درین دیر
سئودییم قدر سنی
اؤزومو سئوسه یدیم! ؟
بیر تورک قهوه سی
بیر ایستی قوجاقگوزلریمی یومورام . اللریمی آچیر قیفیللاییرام. یورغانی باشیما چکیب قارانلیقدا گوزلریمی شاشقینجا آچیرام. نفسیم بورنومو ترلدیر . پیچین ایستی سی یورغانی قیزدیریب . یاخچالین سسی بئینیمه دوشوب ، سس سیز ایچیمه جالانیرام . گؤزلریم هردن بورنوم کیمی ترله ییر . اللریمین سوموکلری قاتلانمیر. بو گون ناصیرائوه گئج گلجک. بلکه ده هئچ گلمه دی . ائوین بوشلوغو ایچیمی بوشالدیر . ناصیرین گلمه یینی گؤزله میرم هئچ.قارانلیقداکی ساکینلیک منی دیسکیندیریر . بعضا اورپشیرم. آنجاق بو یئکه لیکده ائو یورغانین آلتیندان منی هئچ قورخوتمور. " جین لر همشه بیزی گودورلر " سودابه نین دئدیگی یادیما دوشور،
یاتاق خانادا کی اوتاغیمیز ، مریمین گوزلری ، جین لر هامیسی منی بورویور...
ایندی اونلار نه ائدیرلر ؟ بعضا یوخودا گورورم باشلاری درسه قاریشیب ، ایکیسی ده یوکسک لیسانس آلیبلار
او جونوبلو ایدی ، بوتون گوردویوم جونوبلولار کیمی قیسا بوی ، قاراشین بیر قیز
بویوک آتاسینین ائوی دنیز قیراغیندا ایدی او همشه دنیزده کی پری لردن دانیشاردی
گئجه یاتاغیمیزا گیرنده یاواشجا مریمین تختینه سوروشوب اونو قوجاغلاییب ، قورخوزاردی
مریمین گوزلرینین آلتیندا کی چوخور قاپ قارا قارالاردی ، چیغیریب سودابه نی یامانلایاردی . سونرادا ایکی سی قوجاقلاشیب یاتاردیلار
یاتاق خانادا نوماییش اوینایاندا سودابه مریم دن قیسا بوی اولسادا اونون اََرینین رولونو اوینایاردی
هردن ده شوخلوغا سالیب مریمین بئلینی سیغاللاییب اونو اؤپردی.
آیفون وورولور. یورغانی باشیمدان آتیرام . هر یئر قارانلیقدی . چیلپاق قیچلاریمی قیسا دار دودوک دامنیم بیر بیرینه سورتور . اللریمین سوموکلرینی شاققیلدادیرام، برقین کلیدین باسیر ، آیفونا ساری گئدیرم
_ کیمدی
_ خانیم آشغالیز اولسا گتیرین ، بیزیم ده بایراملیغیمیز یادیزدان چیخماسین
آیفونون دسته یینی قویورام . بوگون بایرام آخشامیدی .
بدنیم اوشویور. یاتاق اوتاغینا دوغرو گئدیرم . آشغالچییا یازیغیم گلیر . یقین منی یامانلییاجاق . آنجاق نه قدر اؤزومله دارتیشیرام آشاغی یئنمه یه هئچ حؤوصلهم گلمیر.
یاتاق اوتاغی آباژورون قیرمیزی ایشیقلاری ایله بزنمیشدی .یاتاغین اوستونده کی شکیل هئچ منه اوخشامیردی
آغ گئییملی بیر گنج قیز!
توی گئجه سی ناصیر استرسدن هئچ گلینی سویوندورمادی . تله سیک سالدی آلتینا
بیر ایکی اوچ... و ایشی بیتیردی
نه دهشتلی گئجه ایدی . ضبطین دویمه سینی باسیرام . سودابه نین دئدیگی جین لر همشه بیزی گودورلر . آرام بیر موزیک بلکه جین لری ده رام ائله دی
قارا دؤشلویومو چیخاریب ، چیلپاق بدنیمی سالیرام یاتاغا . سویوق سوموکلریمه قدر یئرییر
اللریمی دؤشلریمین اوستونه قویوب ، گؤزلریمی یومورام...
ناصیرین گلمه یینه هله قالیر . گلسه دئییرم آشغالچینین بایراملیغینی وئرمه میشم . او اؤزو بیلر نه ائتسین . یورغانین آلتیندا ایسینیرم . بارماقلاریمی بدنیمین یوموشاقلیغیندا گزدیریرم . موزیکین سسی گئتدیکجه یاواشاییر
_ پارت !!!!!!!!!
دیک آتیلیرام . جین لر هوجوم ائدیب دئییه اللریمی قالخیزیرام
چیغیراندا یئکه بیر ال دوداقلاریمین اوستونه زویویور...!
گوزلرینده یوللار
قارا قارغالار
آفریقا اورکلیم
بوشالت دامارلارینی
آخسین
قیرمیزی سو
سئویشسین فسیللریم
سنین ارککلیینی
رامین جهانگیرزادهنین اوشاقلار اوچون یئنی بیر شعر توپلوسو ایشیق اوزو گؤردو
آیسودا
(اوشاق شعری)
یازان: رامین جهانگیرزاده
رسام: رامین میرزایی
ناشر: ندای شمس
دیزاین: حسین یوسفی سادات
اندازه: خشتی
صفحه: 16
تیراژ: 5000 جلد
بیرینجی چاپ: 1389
قیمت: 800 تومن
شابک: 6-32-2688-964-978
---------------------------
ساتیش مرکزی: تبریز ـ «ندای شمس» نشریاتی
5540252-0411 & 09147634670
آلتی قیسا شعر
(…)
گولوشلرینده بیتیر آنامین سسی
«قیز! قیز! قیز!
قیزدی قیزیل پارهسی
اوغلان ایتین…»
ایتلر هوروشور
ایتلر بوغوشور
قونشودا کی آلا ایت منه گوز وورور
(…)
اودخونورام سنی بوغازیمدا
چیرکاب کیمی
(…)
هئچ نهییمدن بو گئجه،
اینجیمه
تام سئکسوال بیریسی اولاجاغام
سنی دویاجاغام
مندن دویمایاسان دئیه.
(…)
بیر
ایکی
اوچ...
دوغورام عیسینی
(…)
قاسناق باغلاییرسان اورهییمده
سویورام
قاناییرسان
آخیرسان چیرکینلیییمده.
سوموکلریمده اویناییرسان.
دوغولورام،
بورانلی شاختالی گؤزلرینده
(…)
قارنیمدان بیر جیزگی…
سن چیخدین
دردسیز، کدرسیز
آنامین اوراسی بؤلوم ـ بؤلوم
بؤلوندو
چیغیردی، باغیردی
قان آراسیندان من چیخدیم
بودور منله آنامین فرقی
او کيشينين اللري
ساراي محمدرضايي
گؤزلريني برلديب، ديشلريني قيجيدير. آغزيني آچيب، قيشقيرير اونون قولاغينا. ايکي اللي اونو يئرده سورويوب، آپارير اوتاغا ساري.
ـ اوشاغيم! اوشاغيم! رحم ائله!- قادين دئيير.
قارنيندان ياپيشير، اونو قالخيزيب، قارانليق اوتاغا آتير. اوتاقداکي، اشياءلار هاميسي يئره سپيلير. قادين قيشقيرير. آغالايارکن، اونو يامانلايير. کيشي، اونون اللريني توتوب، اوزونو شيللهلهيير. قادين يئنه يامانلايير، آللاهي، اونو و بوتون آداملاري. اؤزونو بوراخيب، چکينير کيشينين اوستونه. کيشينين ياخاسيندان ياپيشيب، اونو سؤيکه يير ديوارا. قوللارينا زور وئرديکجه، قوللاري تيترهيير. کيشي آغلايير.
ـ سئوميرم سني ـ قادين دئيير.
کيشي يئنه آغلايير. اوتاقدان چيخيب، مطبخه ساري گئدير. ساري، ايتي بيچاغي گؤتوروب، ـ اؤزومو اؤلدورهجم ـ دئيير. قوللاريني چيرمالاييب، قولونداکی دامارین اوستونه قویور، بیچاغی بیردن چکیر، داماريني کسير. قان فيشقيرير. کيشي هله آغلايير. ائوده کي دهشت اونو بورويور. ياشيل پرده دن کئچن ايشيق، آخان قانينا سپيلير. کيشي قولونو گؤيه توتوب، قاديني چاغيرير. گؤزلرينده کي قورخونو، لاپ گوجسوز گؤستهرير. يئنه، قاديني چاغيرير. قان، مطبخين آغ کاشيلرينين اوستوندن سوزولوب، هر يئره سيچرايير. کيشي بير يئرده دوروب، کسيلميش دامارينا باخير.
قادين قوللاريني قيفيللاييب، قارانليق اوتاغين کونجونده، چؤمبلتمه اوتورور. کيشي اونو چاغيرير. قادين باشيني ديزلرينه قويوب، گؤزلريني يومور. بير آزدان کيشينين سسي کسيلير. ساعاتين تيق ـ تاق سسي، قولاغيندا تيققيلدايير. قوللاريني آچيب، قيچلاريني اوزادير. قارنينداکي شيش ياتيب. قارني قورولدايير. ائله بيل آجدير. قونشوداکي قيز چيغيرير، آغلايير، قاپييا تپيک چالير. قارداشيني يامانلايير. هر آخشام او قيزين چيغيرتي سسي، ائوي بورويور. قارداشي زوردان اونو ايچرييه، آپارير. قيز يئنه قيشقيريب، يامانلايير. قادين، قارانليقدا اوزانيب، ايچينده بير توخداقليق دويور. هر نه قورتاردي دئيه، اللريني، قيچلارينين آراسينا قويور. اللري ياشلانير. قادینين قارني داها شيش دئييل.
O kişinin əlləri
Saray Məhəmmədrzayi
Gözlərini bərəldib, dişlərini qıcıdır. Ağzını açıb, qışqırır onun qulağına. İki əlli onu yerdə sürüyüb, aparır otağa sarı.
- uşağım! Uşağım! Boşla məni!- qadın deyir.
Qarnından yapışır, onu qalxızıb, qaranlıq otağa atır. Otaqdakı əşyaların hamısı yerə səpilir. Qadın qışqırır. Ağlayarkən, onu yamanlayır. Kişi, onun əllərini tutub, üzünü şillələyir. Qadın yenə yamanlayır, Allahı, onu və bütün adamları. Özünü buraxıb, çəkinir kişinin üstünə. Kişinin yaxasından yapışıb, onu söykəyir divara. Qollarına zor verdikcə, qollari titrəyir. Kişi ağlayır.
- sevmirəm səni – qadın deyir.
Kişi yenə ağlayır. Otaqdan çıxıb, mətbəxə sarı gedir. Sarı, iti biçağı götürüb, -özümü öldürəcəm-deyir. qollarını çirmalayıb, qolundakı damarın üstünə qoyub, bıçağı birdən çəkir. damarını kəsir. Qan fışqırır. Kişi hələ ağlayır. Evdəki dəhşət onu bürüyür. Yaşıl pərdədən keçən işıq, axan qanına səpilir. Kişi qolunu göyə tutub, qadını çağırır. Gözlərindəki qorxunu, lap gücsüz göstərir. Yenə, qadını çağırır. Qan, mətbəxin ağ kaşilərinin üstündən süzülüb, hər yerə sıçrayır. Kişi bir yerdə durub, kəsilmiş damarına baxır. Qadın qollarını qıfıllayıb, qaranlıq otağın küncündə, çömbəltmə oturur. Kişi onu çağırır. Qadın başını dizlərinə qoyub, gözlərini yumur. Bir azdan kişinin səsi kəsilir. Saatın tiq-taq səsi, qulağında tıqqıldayır. Qollarını açıb, qıçlarını uzadır. Qarnındakı şiş yatıb. Qarnı quruldayır. Eləbil acdır. Qonşudakı qız çığırır, ağlayır, qapıya təpik çalır. Qardaşını yamanlayır. Hər axşam o qızın çığırtı səsi, evi bürüyür. Qardaşı zordan onu içəriyə, aparır. Qız yenə qışqırıb, yamanlayır. Qadın, qaranlıqda uzanıb, içində bir toxdaqlıq duyur. hər nə qurtardı deyə, əllərini, qıçlarının arasına qoyur. əlləri yaşlanır. Qadının qarnı daha şiş deyil.
